Huhezinema jaialdiarekin aurrera egitea erabaki dute, modu birtualean

ZINEMA. Hilabeteetako lanaren ostean, Huhezinema jaialdiaren egitarau osoa prest zuten antolatzaileek. Berrogeialdiak, baina, dena berriz planteatzera eraman ditu, eta online bada ere, egin egingo dute, programazioan zenbait moldaketa eginda. Iragarritako egunei eutsiko diete —bihartik ostiralera arte—, eta Twitch, Youtube zein Instagram bidez ikusi ahal izango da, etxetik. #etxeangeratu egitasmoarekin bat egin eta iragarri dute sorpresaren bat gehitu dutela.