Euriak erreskate lanak zailduko dituen kezka dute

Euria eta ekaitza daude iragarrita Marokon, eta Mugarik Gabeko Suhiltzaileak antolakundeak ohartarazi du horrek zaildu egingo dituela erreskate lanak. «Ez da albiste ona», nabarmendu du Antonio Nogales presidenteak. Gaineratu du lurrikarak kalte egindako hainbat eremuren oreka arriskuan jar dezaketela prezipitazioek. Herritar ugari ere kezkatuta daude, etxea galdu duten asko kalean bizitzen ari baitira.