19 urteko gazte bat hil da trenak harrapatuta, Laudioko Areta geralekuan

LAUDIO. Emakume gazte bat hil zen atzo Laudion (Araba), Renfeko tren batek harrapatuta. Bilborako bidean zihoan tren batek harrapatu zuen 19 urteko gaztea, Areta geralekutik gertu, 17:30 inguruan. Arrigorriagakoa zen hildakoa (Bizkaia). Ertzaintza ezbeharra ikertzen ari da, baina istripua izan zen hipotesia dute nagusitzat. Treneko gidaria Basurtuko ospitalera (Bizkaia) eraman zuten, nerbio-krisialdiak jota. 20:30ak arte etenda egon zen trenen joan-etorria.