BURGOS. Altsasuko auzian auzipetuta dagoen Adur Ramirez de Aldaren senideek auto istripua izan zuten ostegunean, Aranjuezeko kartzelara (Espainia) bisita egin eta bueltatzen ari zirela. Ramirez de Aldaren aita eta aitona-amonak 03:30 aldera irten ziren Aranjuezerantz, 09:30ean bisita egiteko. Itzuleran, 17:30 inguruan, auto istripu bat izan zuten Burgos (Espainia) parean. Ibilgailuak autobidearen hesia jo zuen. Ez zen inor zauritu, baina autoak kalteak izan zituen.
Espetxeratuek, inputatuek, haien senide eta lagunek eta Altsasuko herritarrek jasaten duten «injustizia eta krudeltasuna» salatu du Altsasuko Gurasoak taldeak: «Ez diogu utziko jasaten ari garen eskubide urraketa guztiak salatzeari, eta ez diogu utziko elkartasuna adierazteari». Gogoratu dute, Adur Ramirez de Alda, Jokin Unamuno eta Oihan Arnanez «bidegabeki» espetxeratu zituztela, eta euren herrietatik 500 kilometrora urrunduak dituztela.
Euskal presoak
Adur Ramirez de Aldaren senideek istripua izan dute
Iruzkinak
Ez dago iruzkinik
Ordenatu
