'Ahotsa.info'-ko kolaboratzaile batek uko egin dio Auzitegi Nazionalera joateari

IRUÑEA. Sare sozialetan terrorismoa goratzea eta biktimak umiliatzea leporatuta auzipetuta dagoen Ruben Ollo nafarra ez da bere epaiketara azalduko, Espainiako Auzitegi Nazionala «epaitegi frankista eta salbuespenekoa» delako. Ahotsa.info komunikabideko kolaboratzailea da, eta horren bitartez eman du erabakiaren berri. Delitu bera leporatuta epaitutako Jorge Correa Boro iruindarrak, berriz, atzo jakinarazi zuen hemezortzi hilabeteko zigorra ezarri diola Auzitegi Nazionalak.