Azaroaren 25ean amaitu zuten Nafarroako Ahal Dugu-ko kideek Nafarroako legebiltzarrerako zerrenda osatzeko bost eguneko prozesua, eta jakinarazi dituzte emaitzak. Mikel Buil buru zuen zerrenda izan da aurkeztutako bakarra —604 boto jaso ditu; 64 boto zuri ere izan dira—, eta zerrenda osatzeko hautagaiak aukeratu dituzte orain.
Nafarroako parlamentuko presidente Ainhoa Aznarez (Iruñea, 1970) izan da boto gehien jaso duena, eta bera joango da bigarren lekuan. Haren atzetik, haugatai izango dira Ivan Mendez (Madril, 1973), Altsasuko zinegotzi Cirginia Alonso (Madril, 1967), Aznarezen idazkari Carlos Amatrian (Iruñea, 1983), Maria Ros Aranburu (Tolosa, Gipuzkoa, 1983), Iraia Aldako Vazquez (Irun, 1982) eta Iruña Erro (Iruñea, 1997).
Ahal Dugu-ko kideek azaldu dutenez, behin betiko zerrendetan aldaketak izan daitezke beste indarren batekin bat eginez gero, edo gizon eta emakumeen parekidetasuna bermatzeko.
Nafarroako Ahal Dugu-ko sektore kritikoko kideek Orain Bai izenarekin erregistratu zuten talde parlamentarioa, maiatzean.
