Aitari azken agurra egin dio Iparragirrek

Ibon Iparragirre euskal presoa Ondarroara (Bizkaia) eraman zuten atzo, aitari azken agurra egiteko. Harekin zenean hil zen. Aitaren osasuna «oso larria» zela-eta eraman zuten. Alcala Mecoko (Madril) espetxean dago Iparragirre, eta Ertzaintzak zainduta eraman zuten aitarengana, eskuburdinak jarrita. Presoak gaixotasun larria dauka, eta hura aske uztea galdegin dute askotan; Euskal Herritik ez urruntzeko eskatu dute orain. Argazkian, Ibon Iparragirre, atzo, Ondarroara iritsi berritan.