Aitor Franco eta Arkaitz Anza presoak kalean, zigorrak murrizteko eskatuta

ERRENTERIA. Aitor Franco eta Arkaitz Anza euskal presoak aske utzi zituzten atzo. Leongo (Espainia) espetxetik irten zen lehena, eta Valladolidekotik bigarrena. Defentsak eskatua zuen zigorra murrizteko, «larritasun gutxiko delituei» buruz Espainiako Zigor Kodean iaz sartutako artikulu bat oinarri hartuta. Seina urteko zigorra zuten; denera, lau urte eta erdi egin ditu preso Anzak, eta urtebete gehiago Francok.