Igandean ospatuko du EAJk Alderdi Eguna, 34.a, 2011ko udal eta foru hauteskundeei begira. Iaz Eusko Jaurlaritza galdu zuen, eta datorren urtean jokoan izango ditu Araba, Bizkai eta Gipuzkoako aldundiak. Euskadi sasi guztien gainetik leloa jarri diote aurtengo Alderdi Egunari.
Iñigo Urkullu EAJko Euzkadi Buru Batzarreko (EBB) presidenteak ez ezik, domeka honetan Xabier Agirre Arabako ahaldun nagusia, Jose Luis Bilbao Bizkaikoa eta Markel Olano Gipuzkoakoa ere mintzatuko dira oholtzatik. Hirurak 2011n ere ahaldungai izango dira. Nafarroa Bai koalizioan hautagai izango den jeltzale batek ere hitz egingo du, gaur EAJk aurkezpenean esan duenez.
Belen Greaves EBBko idazkariaren arabera, "krisi ekonomikoa, euskal gizartean bizikidetzaren normalizazioa eta [EAEko] autogobernuan sakontzeko beharra" ere badira EAJren "erronkak". Hori guztia lortzeko, euren militanteak "aktibatu" egin nahi dituzte.
Gasteizen izango da Alderdi Eguna, Forondan. EAJk dio ehun mila lagun batu nahi dituela. 33 txosna jarriko dituzte, 19.000 lagunentzako bazkaria, ehun dantzari ariko dira...
politika
Alderdi Eguna, bozei begira
Igande honetan ospatuko du EAJk bere eguna, Gasteizko Forondan. Aurten, Iñigo Urkullu EBBko presidenteak ez ezik, Xabier Agirre, Jose Luis Bilbao eta Markel Olano ahaldun nagusiek ere hitz egingo dute. Leloa, 'Euskadi sasi guztien gainetik'.
Iruzkinak
Ez dago iruzkinik
Ordenatu
