Alkarbide orain Hamaikabat da

Azkar aldatu du izena Alkarbidek, orain Hamaikabat baita (H1!), eta hala izango da aurrerantzean. EAtik aldegindako afiliatu batzuek sortu zuten Alkarbide orain dela pare bat hilabete. Haien asmoa "euskal politika berpentsatzea" eta "euskal abertzaletasuna suspertzea" da. "Politikagintza eta euskal gizartearen arteko tartea murriztu nahi dugu".

Martin Beramendi da behin-behineko talde sustatzaileko bozeramailea, eta azaroan egingo dute kongresua. Iñaki Galdos Gipuzkoako EAko presidente ohia da alderdiko kideetako bat. “Abertzaletasun historiko eta instituzionala babesten dugun pertsonek Alkarbide sortu genuen hasierako fase batean eta proiektu politiko berri honi atxikimendua adierazi zuten karpu publikoei babesa eskaintzeko”, adierazi du Beramendik gaur, Gasteizen.