Ostiralean Iruñeko Ziudadelan egitekoak ziren elkarretaratzea debekatu du Espainiako Gobernuak Nafarroan duen ordezkaritzak. Dena den, Ahaztuak 1936-1977 elkarteak beste ekitaldi bat egitea erabaki du: Valdediosen (Asturias, Espainia) eraildako lagunen aldeko omenaldi "txiki" bat egingo du, Nabarreria kalean, Zabaldi Elkartasun Etxearen ondoan, 19:30ean.
Omenaldiaren ostean, hitzaldia emango du bertan Ruben Vega Oviedoko Unibertsitateko irakasle eta historialariak, Valdedios y el terror franquista en Asturies izenburupean (Valdedios eta terrore frankista Asturiasen).
