Bizitza gizarte konpromisoari emana

Herenegun hil zen Satur Abon ekintzailea, eritasun baten ondorioz. Ezagutzen zutenek kausa sozialen aldeko bere konpromiso «nekaezina» nabarmendu dute, 1980ko hamarkadan Nikaraguarekiko antolatutako elkartasun brigadetatik hasi eta Bilboko Udalean Herri Batasuneko zinegotzi gisa egindako laneraino. Duela 25 urte ekin zion bere ibilbideko proiektu ezagunenari: Bagabiltza Fundazioa sortu zuen, emakumeen ahalduntzea sustatzeko asmoz.