Dantzarien trebezia baliatu dute Ipar Euskal Herriko alderdietako ordezkariek dokumentu bateratua plazaratzeko. Bake prozesuan aitzina egitea da helburua, Pariseko alderdietako buruzagitzek ezar dezaketen trabak ekiditeko. Alderdien mahaiari eragile politikoen mahaia deitu diote. Izenaren gainetik, itxuraren gainetik, prozesuan aitzina egitea lehenetsiz. Formetan nola egin deliberatu dute. Elkarrekin. Herri Elkargoarekin egin zuten bezala. Alta, eskari harek ezetz borobila jaso zuen Frantziako Barne ministroaren partetik. ETAren desagertzearekin lotu zuen Ipar Euskal Herriko egituratze politikoa.
Aieteko Adierazpenak gogoak aldatu ditu Iparraldean. Lehengo susmoak eta ezinak baztertu, eta adostutako gutxiengoetan oinarritzen dira aitzinera egiteko. Gatazkarengatik etxea utzi dutenak aipatzen dituzte dokumentuan, iheslariak aipatzeko. Baina aipamena hor da, batzuek baliatzen zuten «terrorista» hitza baztertuz.
Testuinguruak giroa aldatu du. Tokiko hautetsiek, koloreak kolore, ezin berezi diren elementu gisa aipatzen dituzte bake prozesua, presoen egoera, aitortza instituzionala, salbuespen legedien desagerpena. Menturaz, gatazkaren parterik gordinena abertzaleek pairatu dutelako Ipar Euskal Herrian, gerla zikinaren ondorioz. Ezker abertzalearen alde bateko urratsaren balioa ez du nehork zalantzan ezartzen. Oinarria bake prozesua elkarrekin eraikitzen segitzeko. Elkarrizketa Euskal Herri osoan eratzeko beharra azpimarratzen dute.
Baionako Bake Foroa. Analisia
Dantzarien urratsak
Iruzkinak
Ez dago iruzkinik
Ordenatu
