Araban gaur osatuko dute mahaia, eta PSE-EEko kideek aniztasuna nahi dute

PSE-EEk ere Arabako Biltzar Nagusietako Mahaian alderdi guztiek ordezkaritza izatea nahi du, atzo adierazi zuenez. Biltzarkide sozialistak atzo kreditatu ziren, eta gaur egingo den osoko bilkurarako mahaian alderdi guztiek ordezkaritza izan dezaten ahaleginduko dela esan zuen. Dena den, ez dago argi nor izango den lehendakari, eta ahaldun nagusia aukeratzeko orduan bezala, EBko bi ordezkarien botoek erabakiko dute PP (16 ordezkari) eta PSEren (9) aldera edo EAJ (13) eta Bilduren (11) aldera doan.