Behin akordio programatikoa lortuta, EH Bilduk batzarra egin zuen atzo Atarrabiako kultur etxean. Aurretik, akordioari buruz zein negoziazioen bilakaerari buruz mintzatu zen Adolfo Araiz EH Bilduko eleduna. Haren esanetan, akordioa «ez da EH Bilduren programa», baina «negoziazioen hasieran finkatutako helburuak bete dira» hitzartutako programarekin. Alde batetik, erregimena desmuntatu eta berriro errepikatu ez dadin «oinarriak finkatu dira», haren ustez. Bigarrenik, uste du egoera sozial larriari aurre egiteko premiazko neurriak hitzartu direla. Azkenik, prozesu demokratizatzaile baterako aukerak ireki dira.
Adolfo Araizek nabarmendu zuen programak lau alderdiak elkarren artean lotzen dituela. Hala, herenegundik negoziazioen hirugarren fasean sartu dira EH Bildu, Geroa Bai, Ahal Dugu eta Ezkerra. Araizen arabera, Geroa Baik gobernuan egiturari begira egindako proposamena EH Bilduren desberdina da, baina akordiorako tartea ikusten du. EH Bildurentzat, garrantzitsua da lau alderdiak gobernuan inplikatzea eta gobernua ahalik eta azkarren martxan jartzea.
Departamentuez eta kontseilarien soslaiez hitz egin dute. Geroa Baik nahi du alderdietan kargu organikorik ez izatea, eta Araizek zehaztu du hala izan zein ez, guztiak direla kargu politiko, erabaki politikoak hartzen dituztelako. Haren esanetan, gobernuaren egitura eta pertsonak zehaztu arte, ez da akordioa itxiko. «Zailtasunak egon daitezke, baina inportanteena da gai izatea zailtasun horiei aurre egiteko»
Udal eta foru hauteskundeak. Ondorena
Araiz: «Hasierako helburuak bete dira akordio honekin»
Iruzkinak
Ez dago iruzkinik
Ordenatu