Eusko Legebiltzarreko bakerako eta elkarbizitzarako lantaldea astelehenean osatuko dute, 09:00etan. Arantza Quiroga Legebiltzarreko presidenteak gidatuko du lantaldearen sorrera.
EAJ, PSE-EE, PP, Ezker Anitza eta Aralarreko hiru legebiltzarkideren babesarekin egin zuen aurrera lantaldeak, joan den martxoaren 30ean. Eta talde horietako ordezkariek baino ez dute parte hartuko lantaldean: EAJtik Joseba Egibar, PSE-EEtik Jose Antonio Pastor, PPtik Anton Damborenea, Aralarretik Aintzane Ezenarro eta Ezker Anitzatik Mikel Arana joango dira. UPDk eta EAk ez dute parte hartuko. Oraingoz, badirudi lantaldeak ez duela presidenterik izango.
Aralarren jarrera
Bien bitartean, lantaldearen alde bozkatu zuten Aralarreko hiru legebiltzarkideek alderdiko Berme batzordeari adieraziko diote euren botoarekin ez dutela huts larririk egin, eta alderdiaren ibilbidearekin «koherentziaz» jokatu dutela, albiste agentziek zabaldu dutenez. Aralarrek alderdia uzteko eskatu die hirurei idazki batean, eta haiek hamabost eguneko epea dute erabakiari alegazioak aurkezteko.
Astelehenean osatuko dute bakerako lantaldea Eusko Legebiltzarrean
Aralarreko hiru legebiltzarkideek diote ez dutela huts larririk egin, eta «koherentziaz» jokatu dutela
Iruzkinak
Ez dago iruzkinik
Ordenatu
