Hamar egun falta badira ere, Lapuebla de Labarcako ikastolak prest ditu Araba Euskaraz 2014 jaiaren ibilbidea eta egitaraua. Hirugarren aldia izango da Arabako ikastolen jaia bertan Arabako Errioxako herri horretan egingo dena, eta ibilbidea aurreko bi aldietan egindakoaren ildotik joango da.
Sei kilometro izango ditu, eta leku askotan, Ebroren ibaiertzeko makaldien itzala. Ibilbidean bost gune prestatu dituzte, adin guztietako pertsonen nahiak asetzeko asmoz. Lehena herrian egongo da, bigarrena ikastolan, hirugarrena futbol zelaian, eta azken biak Poveda parkean.
Lapuebla de Labarcako ikastolako arduradunek gogorarazi dute Araba Euskaraz-era joateko biderik egokiena Fuenmayor herritik dela (Errioxa, Espainia).
