Garoñako zentral nuklearrak (Burgos, Espainia) erreaktorea gerarazi duen matxura bat izan du berriz. Oraingo honetan zentralaren kanpoaldeko parke elektrikoan gertatu da arazoa CSNk agertu duenez: babes elektrikoen doitzean matxura bat izan da, eta, ondorioz, automatikoki gelditu egin da erreaktorea -halako kasuetan gelditzeko prestatuta dago-.
Hain zuzen ere, zentraleko segurtasun bermeek behar bezala funtzionatu dutela azpimarratu du CSNk, eta, ondorioz, ez dela inolako arriskurik sortu langileentzat, herritarrentzat eta ingurumenarentzat. Zentral nuklearren matxurak arriskuaren arabera neurtu ohi diren 0tik 7rako eskalan 0 mailakotzat jo du CSNk. Nolanahi ere, joan den astean beste matxura bat izan zen Garoñan, hura 1 mailakoa.
Zentrala Burgosen (Espainia) dagoen arren, Arabatik kilometro gutxi batzutara dago.
Nuklearrak
Babes elektrikoetako matxura baten ondorioz Garoñako erreaktorea geratu egin da
Gaurko arazoa 0 mailakotzat jo du CSN Espainiako Segurtasun Kontseiluak, 0tik 7rako eskalan. Joan den astean, 1 mailakotzat jo zuen beste matxura bat gertatu zen zentral nuklear berean.
Iruzkinak
Ez dago iruzkinik
Ordenatu
