Politika
Bakea eta normalizazioa lortzea helburu duen kontseilu politikoa otsailaren 1ean eratuko du Ibarretxek
Bakearen eta normalizazio politikoaren alde lan egiteko kontseilu politikoa sortuko da Jaurlaritzaren barruan, eta Miren Azkarate Gasteizko Gobernuko bozeramaileak gaur iragarri duenez, otsailaren 1ean eratuko du Ibarretxe lehendakariak talde hori. Juan Jose Ibarretxek berak, Joseba Azkarraga Jaurlaritzako Justizia sailburuak (EA) eta Javier Madrazo Gizarte Gaietako sailburuak (EB) osatuko dute kontseilu politikoa.
Ibarretxek iragarria zuen jada bakearen eta normalizazio politikoaren alde lan egiteko kontseilu politikoa sortuko zuela, eta, era berean, esan zuzen Azkarraga eta Madrazo izango zituela lagun talde horretan. Jaurlaritzaren Gobernu Kontseiluaren gaurko bileran, erakunde horren eraketari data zehatza jartzea erabaki dute: bihar zortzi, otsailaren 1ean, osatuko dute.
Iruzkinak
Ez dago iruzkinik
Ordenatu
