BALIABIDEAK

Hona hemen instituzioek laguntza eskatzeko martxan dituzten baliabide nagusiak:

Frantziako Gobernua: 3919 telefonoan jaso dezakete andreek laguntza eta aholkularitza. Astelehenetik ostiralera, 09:00etatik 22:00etara dago martxan, eta, asteburuetan, 09:00etatik 16:00etara.

Espainiako Gobernua: 016 telefonoaren bidez, biktimen eskubideei eta laguntza baliabideei buruzko informazioa ematen dute; zenbakia martxan dabil 24 orduz, baina aholkularitza zerbitzu batzuk soilik egunez ari dira. E-mailez: [email protected]. Laguntza psikologikoa behar dutenentzat, bi Whatsapp zenbaki eman dituzte: 682-91 61 36 eta 682-50 85 07.

Eusko Jaurlaritza: 900-840 111 telefonoa du martxan, 24 orduz. Diziplina askotako langileek dihardute, emakumeei arreta eta aholkularitza emateko; udal zerbitzuei buruzko informazioa ere ematen dute.

Larrialdi kasuetan: 112 telefonora deitu behar da. Zerbitzu horrek sakelakoetarako aplikazio bat dauka, eta, horren bidez, geolokalizazioa helarazten die larrialdi zerbitzuei; gainera, propio ematen du aukera sexu erasoak eta tratu txarrak salatzeko. Ikusmen eta entzumen arazoak dituztenen beharretara egokituta dago aplikazioa. Ipar Euskal Herrian, poliziekin zuzenean mintzatzeko, 17 zenbakira deitu behar da.