Ertzaintzak jaurtitako gomazko pilota baten ondorioz hil zen Iñigo Cabacas, eta haren izena izango du gaurtik aurrera Basauriko plaza batek. Iazko abenduan hartu zuten erabakia udalbatzako alderdi guztiek, aho batez.
Gaur estreinatuko dute, Cabacasen izenarekin, 20:00etan. Cabacasen senide eta lagunez gain, udal ordezkariak ere bertan izango dira. Basozelai auzoan dago plaza, eta azken hilabeteetan obretan aritu dira bertan.
