Batasuneko Zigor Gogeaskoetxeak, Xabi Larraldek, Joseba Permachek eta Jean Claude Agerrek erakutsi egin dituzte prentsaurrekoan, Baionako egoitzan atzemandako tresnak. Telebistaren entxufea berritzen ari zirela aurkitu zituzten.
Auzitegiko ikuskatzaile bat izan da egoitzan, eta haren agiriarekin Batasunak salaketa jarriko du.
Azaldu dutenez, ez dakite mikrofono horien noiztik dauden hor, bain Frantziako Poliziak jarriko zituela uste dute. Gainera, bulego hori lehen Koldo Gorostiagarena izan zela, eta hark Europako Legebiltzarreko hautetsi zenean inmunitatea zuela azpimarratu dute.
Entzuketa egitea "oso larria" dela azpimarratu dute prentsaurrekoan. Baina, ez dela Frantziako Gobernuak "ezker abertzalearen kontra egiten duen lehen erasoa" diote. Izan ere, "jauzi kualitatiboa" eman du Frantziako Gobernuak Batasunaren iritzian.
Hautetsiei, publikoki salaketa egiteko eskatu diete.
Ezker abertzaleak aurretik ere salatu izan ditu legez kanpoko entzuketak. 1998n Herri Batasunaren Gasteizko egoitzan entzuketa sistema atzeman zuten, esaterako.
Entzuketak
Batasunaren Baionako egoitzan entzuketa tresnak aurkitu dituzte
Bi mikrofono, bi emisore eta beste horrenbeste antena aurkitu dituzte Batasunaren Baionako egoitzan, guztiak transformadore bati lotuta. Frantziako Gobernuak "egin duen jauzi kualitatiboaren" baitan kokatu du hori Batasunak. Aparatu horiek hor noiztik zeuden ez dakiten arren, Frantziako Poliziak jarri dituelakoan daude, eta oso larritzat jo dute. Frantziako Gobernuak ezker abertzalearen aurka egiten duen lehen "erasoa" ez dela hau gogorarazi dute Batasunekoek. Frantziako Gobernuari, errepresioa utzi, eta bakea eta demokraziaren aldeko apustua egiteko eskatu diote, Batasunak =i Orain Herria. Orain Bakea =i proposamenarekin egin bezala. Euskal herritarrei erasoan aurrean kalera ateratzeko deia egin die, eta larunbatean Bilbon egingo den manifestazio nazionalera joateko.
Iruzkinak
Ez dago iruzkinik
Ordenatu
