Pauen atxilotu zuten Itziar Plaza bilbotarra, 2009an, Iurgi Garitagoitia eta Asier Borrerorekin batera. Frantzian epaitu zuten 2015ean, eta azken urtean bi espetxeetan egin ditu, Fleuryn eta Reaun.
Frantzian jarritako zigorra beteta, aurtengo abuztuan Espainiaratu egin zuten, eta epailearen aginduz Soto del Relaera eraman zuten, bakartze ziega batera. Urriaren erdian, berriz, Estremerara lekualdatu zuten, eta handik irten da gaur goizean, behin-behineko askatasunean, Espainiako Auzitegi Nazionalean egingo dioten epaiketaren zain.
