BERRIA Taldeak harpidetza kanpaina abiarazi du Ipar Euskal Herrian. Gaur aurkeztu du Baionan, Euskal Museoan.
Euskal Erakunde Publikoarekin (EEP) elkarlanean burututako azterketaren ondorioz, Ipar Euskal Herriko banaketa zerbitzua hobetzeko plangintza egin dute, eta BERRIAren harpidetza 25 salmenta puntutan eskuratu ahal izango da hemendik aurrera. Horrekin batera, ostiralero Ipar Euskal Herriko Hitza astekaria ere bai.
Baionako ekitaldian Joanmari Larrarte BERRIA Taldeko kontseilari ordezkaria, Martxelo Otamendi zuzendaria, taldeko hainbat langile eta Iparraldeko kazetari eta lagun batzuk izan dira. Proiektuaren garrantzia azpimarratu dute denek ere.
