Berriz ireki dute 2008ko bahiketa baten auzia

MADRIL. Espainiako Auzitegi Nazionaleko Santiago Pedraz epaileak berriz ireki du 2008an Alcobendasen (Espainia) izandako bahiketa baten auzia. Ustez bahitua izan zen gizonezkoak salatu du Daniel Pastorrek eta Lorena Lopezek, aurreko astean atxilotu zituzten bi gazteek, bahitu zutela, zinegotzi batekin nahastuta. Hark dioenez, haien argazkiak prentsan ikusita ezagutu zituen. Auzia 2009an artxibatu zuten, ETArekin zerikusirik ez zuela-eta.