Martxoaren 9ko Espainiako Gorteetarako hauteskundeetako zerrendaburuak aurkeztu ditu EAE-ANVk: Kongresurako Aitor Bezares izango da Arabako zerrendaburua; Andoni Elorrieta Bizkaikoa; Miren Legorburu Gipuzkoakoa eta Marine Pueyo Nafarroakoa. Senaturako, berriz, Josu Zabala izango da Arabako hautagaitzaren buru, Idoia Aldamar Bizkaikoarena, Iñaki Zabala Gipuzkoako zerrendakoa eta Maite Ezkurra Nafarroakoa.
Beren kontra legez kanporatze auzia abiatu duten arren, hauteskunde horietan parte hartuko dutela berretsi du Marine Pueyo Nafarroako zerrendaburu eta Iruñeko Udaleko zinegotziak: "Konstituzioari, errepresioari, eta iruzur politikoari ezetz irmo esateko, eta baietz Euskal Herriaren erabakitzeko eskubideari eta independentziari". Beren asmoa ahalik eta boto gehien biltzea dela agertu du, eta udal eta diputazioetako hauteskundeetan 200.000 boz inguru bildu zituela oroitarazi.
"Kongresua eta Senatua gure planteamendu politikoa sozializatzeko tresnak ziango direla, iritzi publikoari gure independentzia proiektua ezagutaraztekoa", nabarmendu du.
Hautskundeak martxoaren 9an
Bezares, Elorrieta, Legorburu eta Pueyo EAE-ANVren zerrendaburu Espainiako Kongresurako
Alderdi horrek martxoaren 9ko hauteskundeetan parte hartuko duela berretsi dute, "Konstituzioari, errepresioari, eta iruzur politikoari ezetz irmo esateko, eta baietz Euskal Herriaren erabakitzeko eskubideari eta independentziari".
Iruzkinak
Ez dago iruzkinik
Ordenatu
