Ertzaintzak 26 urteko gizonezko bat -PS.S.C.- atxilotu zuen atzo gauean Igorren (Bizkaia), emaztea jo zuela egotzita. Euren etxean gertatu zen ustezko erasoa, eta gizonezkoa bizilagun baten etxera joan zen ondoren, ertzainak iritsi ziren arte.
Biktimak ertzainei esan zien senarrak lehen ere jo egin izan duela. Emakumezkoa Durangoko (Bizkaia) osasun zentrora eman zuten, arta zezaten -sudurra handitua zeukan, besteak beste-.
Gasteizen ere atzeman du Ertzaintzak beste gizonezko bat, 22 urtekoa, neska-lagun ohiaren ama jo duelakoan. Gaur goizeko zazpiak aldera izan da gertaera, Koroatze kaleko etxe batean. Txagorritxu erietxean atxilotu dute -hara joan da gizonezkoa, kolpe batzuk zituelako-.
Emakumeen aurkako indarkeria
Bi gizonezko atxilotu dituzte Igorren eta Gasteizen, emakumeak jo dituztelakoan
Iruzkinak
Ez dago iruzkinik
Ordenatu
