Bi gobernuen arteko akordioa kritikatu du AHT Gelditu! Elkarlanak

Eusko Jaurlaritzak «berriro ere inposizioaren estrategia» erabili nahi duela salatu du AHT Gelditu! Elkarlanak, Eusko Jaurlaritzak eta Espainiako Gobernuak Euskal Y-a egiteko lortutako akordioaren harira. «EAJk eta PSOEk beren interes ekonomikoak eta negozioak lehenetsi nahi dituzte, gizartearen gehiengoaren bizi-kalitatearen gainetik». Elkarlanaren esanetan, Euskal Y-ak ez ditu konponduko garraio arazoak, «larriagotu baizik». Elkarlanak batzarra egingo du bihar Bergaran (Gipuzkoa).

Bestalde, Joxe Joan Gonzalez Txabarri Gipuzkoako ahaldun nagusiak ohar bat egin zion atzo EB-Berdeak alderdiari: Eusko Lebebiltzarrean duen indarra edo garrantzia neurtu dezala Euskal Y-aren ibilbideari kritikak egin aurretik.