Goizaldeko ordu bi eta erdietan gas leherketa bat izan da Andoaingo (Gipuzkoa) etxebizitza bateko sukaldean, Kaleberria kaleko 34. zenbakiko laugarren solairuan, eta ezbeharraren ondorioz bi pertsona zauritu dira. Eusko Jaurlaritzako Segurtasun Sailak zehaztu duenez, hormatik askatutako txintxorrek zauri arinak eragin dizkiete pisuan zeudenei, eta Donostia ospitalera eraman behar izan dituzte.
Egituran kalterik ez dagoela baieztatu arte, etxebizitza hustu egin dute. Hala ere, ez dituzte aterarazi eraikineko gainontzeko bizilagunak.
