Bidegorriak eskatu ditu Bizi taldeak auto azoka batean

MIARRITZE. Miarritzen (Lapurdi) bizikletaz ibiltzeko dauden zailtasunez ohartarazteko asmoz, Bizik protesta egin du hiri horretan egiten ari diren auto erakustazokan. Eraikinean pankarta bat zintzilikatu, eta erakustokiko pasabideetan txirrinduz ibili dira taldeko 26 kide. Protestaren bidez, hirian bizikletaz ibiltzea erraztuko duten neurriak abiatzeko eskatu diote Miarritzeko auzapezari.