Baionako Reduit plazan ziren egitekoak IkasTalo Manifesta ekitaldia, Ipar Euskal Herriko ikastolei Frantziako Gobernuak ezarritako oztopoak salatzeko. Eguraldi kaskarra iragarri dute biharko, ordea, eta Seaskak, ekitaldiaren antolatzaileak, mobilizazioa lekuz aldatzea erabaki du. Glain guneko Elkarteen Gunean eginen da, bihar.
12:00etatik 16:00etara, 10.000 talo banatuko dituzte, eta lau kupel handirekin sagarnotegi bat ezarriko dute bertan. Horrez gain, Amaren Alabak eta Souht Side Familia Ska taldeen kontzertuak izanen dira entzungai.
Gisa horretan, Seaskak agur erranen dio ikastolentzat urte beltza izan denari, Suprefetak Hendaiako ikastola proiektua blokeatu ondoren Frantziak Beskoitze eta Hazparneko lurralde proiektuak geldiarazi nahi baititu.
