Eusko Jaurlaritzak, etxebizitza politikan aldaketak eginda, aurre egin nahi die egungo hainbat premiari. Etxebizitza Plan berriak 460 milioi euroko aurrekontua du, eta laurdena bideratuko dute alokairua sustatzera. Planaren bidez 8.000 etxebizitza berri egingo dira, eta ia erdiak –3.950, hain zuzen ere– alokairura zuzenduko dira.
Horrez gain, alokairura bideratu nahi dira, Bizigune programaren bidez, egun hutsik dauden 8.080 etxebizitza. Etxe zaharren errehabilitazioari ere erreparatuko diote, eta horren bidez 2.950 etxebizitza berri eskuratu nahi ditu Jaurlaritzak.
