Herrizaingo Sailak ezarri dizkien bizkartzainei uko egitea erabaki dute PSE-EEko legebiltzarkideek. Alderdi Sozialistako ordezkari guztiek utziko dituzte bizkartzainen zerbitzuak, «arrazoi bereziren bat» dela medio zaintzari eustea erabaki duten gutxiek izan ezik.
PSE-EEk Eusko Legebiltzarrean dituen 25 ordezkariek jakinarazi dutenez, horietako gehienek duela hamar urtetik baino gehiagotik dute babesa, eta zerbitzua pixkanaka uzten hasi dira. Legebiltzarkideek beraiek ohar bidez azaldu dute horietako bakoitzak duen «pertzepzio pertsonala» oinarri hartuta hasi direla neurria betetzen, batez ere ETAk jardun armatua bertan behera utzi duela iragarri zuenetik.
«Orain, mehatxu terroristaren desagertzea egonkortzen ari dela dirudienean, prozesua [bizkartzainak uztekoa] amaitu eginda», jakinarazi dute.
Bizkartzainen babesa izateari uko egin diote PSEko legebiltzarkideek
ETAk jardun armatua utzi duela iragarri zuenean babesa kentzeko hasitako prozesua amaitu dute
Iruzkinak
Ez dago iruzkinik
Ordenatu
