Donostia «bakartuta uztea» egotzi dio PSEk Bilduri, AHTa ez babesteagatik

Bilduk Abiadura Handiko Trenari buruzko eztabaida sozial zabala egiteko duen asmoa ez da PSE-EEren gustokoa. Tren eredu hori zalantzan jarri eta AHT babestu ez izanagatik Donostia «isolamenduan uztea» leporatu dio Ernesto Gasco PSE-EEren Donostiako zinegotziak Bilduri. Gipuzkoako hiriburuko udalbatzak bihar eztabaidatuko du gaia, eta PSE-EEk AHTren alde egindako proposamenak EAJren eta PPren babesa izango duela ohartarazi du Gascok.AHT defendatu dezala, 2016rako egina egon dadila eskatu dezala eta Espainiako Sustapen Ministerioari Donostiako Tabakaleran geltokia egin dezala eskatu diezaiola proposatu dio Bilduri. «AHT Estatuko aurrekontuen poltsatik ordainduko da eta Donostiatik ezin diogu ezetz esan, dirutza hori beste lurralde batzuetara joango baita bestela», argudiatu du.