EAk esan du hauteskunde subjektu berri batekin duela konpromisoa

Maiorga Ramirez Eusko Alkartasuneko Nafarroako koordinatzaileak Infozazpi irratiari eskainitako elkarrizketan aipatu du EAk jada konpromisoa duela indar abertzaleak biltzea helburu izango duen «hauteskunde subjektu berri batekin». Apustu horren berme nagusiena EAk eta Herritarren Garaia independentez osatutako plataformak hartutako konpromisoa dela iritzi dio. Dena den, Ramirezek gaineratu du indarrak batzeko asmo horren barruanSortu «funtsezko eragilea» dela. EAko buruzagiak ez du uste hauteskundeetara aurkeztea galaraziko zaionik Sorturi, bestela «barregarri» geratuko litzatekeelako Espainiako Estatua.