EHUko Errektoretzarako hautagaiak aurkezteko epea zabalduko dute gaur

Gaur hasiko da EHU Euskal Herriko Unibertsitatea datozen lau urteetan nork gidatuko duen ebazteko prozesua. Errektoretzarako hautagaitzak aurkezteko epea irekiko da, azaroaren 8ra arte. Ondoren, hilaren 12an hasiko da kanpaina, eta abenduaren 4an egingo dituzte hauteskundeak. Hala ere, lehia gutxiko hilabetea izango da; azken orduko ezustekorik ezean, Iñaki Goirizelaia egungo errektorea izango da hautagai bakarra. Azkenik hala gertatzen bada, itzuli bakarrean erabakiko dira bozak, eta hautagaitza bakarraren alde edo zuri baino ezingo da bozkatu. Aldeko botoen herenak eskuratuz gero, errektore izendatuko dute Goirizelaia.