ELAk eskatu du tokiko beharren arabera egiteko irakasle lan-eskaintza publikoak

BILBO. Eusko Jaurlaritzari eta Nafarroako Gobernuari hezkuntzako eskumena bere egin eta irakasleen lan eskaintza publikoak lurraldeen beharren arabera egiteko eskatu die ELAk. Sindikatuak salatu duenez, Espainiako Gobernuaren nahietara egokitzen dira Hego Euskal Herriko bi gobernuak, eta, hala, ez diote soluziorik ematen irakasleen behin-behineko ordezko kontratuen tasa handiari. ELAk eskatu du Euskal Herrian erabaki dadila zenbat irakasle kontratatu eta nola.