euskal presoak

Eragile ugarik babestu du presoen eskubideen aldeko manifestazioa

Igandean 12:30ean izango da martxa, Bilbon. Ondoren festa, Areatzan. Ezker abertzalea, EA, Alternatiba, Aralar, AB, ELA, LAB eta Lokarri daude atxikimendua eman dutenen artean.

2011ko ekainaren 10a
19:57
Entzun

Eragile askok babestu dute igandean Bilbon euskal presoen eskubideen alde izango diren manifestazioa eta festa: ezker abertzaleak, EAk, Alternatibak, Aralarrek, ABk, ELAk, LABek, EILASek, EHNEk, Lokarrik, Iratzarrik, Gazte Abertzaleek, Ikasle Abertzaleek, Euskal Herriak Bere Eskolak, Bai Euskal Herriarik, EHEk, ESAITek eta Oroimen Historikoa Berreskuratzen-ek.

12:30ean hasiko da martxa, Guggenheim museoaren aurretik. Ondoren festa izango da Areatzan, musikari, dantzari, bertsolari eta aktoreekin.

Bizi guztiko doktrina indargabetzeko, gaixorik diren presoak askatzeko, sakabanaketa bukatu eta presoak Euskal Herrira ekartzeko, isolamendua amaitzeko eta zigorraren hiru laurdenak beteak dituzten presoak aske uzteko aldarrikapenak egin ditu Egin Dezagun Bidea ekimenak. Hura da igandeko ekitaldien antolatzailea.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.