Erandioko Jai Batzordeko hiru kidek deklaratuko dute Auzitegi Nazionalean

2011ko Erandioko jaien egitarauan jarritako iragarki batean herriko preso baten argazkia azaltzeagatik, Jai Batzordeko hiru kide epaituko dituzte, otsailaren 5ean, Espainiako Auzitegi Nazionalean. «Terrorismoa gorestea» egotzita, hemezortzi hilabeteko espetxe zigorra eta hiru urteko inhabilitazioa eskatu dute haien aurka. Erandioko Jai Batzordeak eta Hegoalde Kutur Elkarteak «absurdotzat» jo du hiru herrikideen inputazioa, iragarki hartan ez zelako «inolako irain edo esaldi bortitz» agertzen. «Absurdoa da iragarkia zilegi delako eta are absurdoagoa da jai batzordeko presidenteari zentsuratzaile rola exijitzea», salatu dute.