Arnaldo Otegik dei zuzena egin dio PSOEri eta ohartarazi dio horrelako erasoak amaitzen ez diren bitartean ezinezkoa dela bake prozesua eraikitzea. Ez behintzat prozesuan parte hartzen ari diren solaskideak deklaratzera deitzen jarraitzen badute behintzat. Beharrezko jo du eragile guztienganako errespetua eta hori lortzeko frogak beharrezkoak direla esan dio.
"Nola pentsatzen duzue posible dela eraikitzea inongo prozesurik horrelako baldintzetan?", galdetu dio Otegik zuzen zuzen PSOEri. Baldintza horiek zeintzuk diren ere azaldu du: "Non, solaskideak garenok, sinatzen dugu egunero ertzaintza-etxe batean, non solaskideak garenok gure etxeak hipotekatuta ditugun, ehundaka milako euroak ditugulako fidantzapean, non solaskideak garenok ez dakigun prentsaurreko bat eman dezakegun ala ez". Kezkatuta hitz egin du Otegik, Joseba Permach mahaikidea alboan zuela.
Ardura politikorako deia egin du Batasunekoak, beti ere lasaitasunetik. Hala ere, kezkatuta agertu da bereziki, ezker abertzalea jasaten ari den erasoekin. PSOEri esan dio, ezin dela jendearen itxaropenarekin jolasean aritu.
Eraso judizialez gain, PSOEko hainbat kideren jarrera arduragabea salatu du Otegik. Izan ere, Batasuneko kidearen ustez azkenaldian arduragabekeriaz jositako hizt jarioa dago.
Politika
Erasoak amaitu behar direla azpimarratu eta errespetua eskatu du Otegik
Konponbide prozesua ezin da aldeetako baten aurkako etengabeko erasoekin eraiki. Horixe nabarmendu du Arnaldo Otegi Batasuneko kideak Donostian egin duen agerraldian. Hain zuzen ere, igandeko manifestazioaren harira Pernando Barrena, Anjel Mari Elkano, Hasier Arraiz, Haizpea Abrisketa eta Mikel Zubimendi Batasuneko bost mahaikideak Espainiako Auzitegi Nazionaleko Baltasar Garzon epailearen aurrean deklaratzen ari dira. Otegi kezkatuta agertu da eta errespetua eskatu du konponbide prozesuko parte hartzaile guztientzat.
Iruzkinak
Ez dago iruzkinik
Ordenatu
