Erizain berezi lanpostu gehiago eskatu dituzte

IRUÑEA. Erizaintza bereziko lanpostu gehiago eskatu ditu Nafarroako SATSE sindikatuak; azaldu duenez, milaka erizainek unibertsitatera jotzen dute buruko osasun gaitzak dituztenekin lan egiteko, emagin izateko, pediatrian aritzeko, geriatrian lan egiteko eta abar. Baina halako lanetarako lanpostu eskaintza ez da hazten ari erritmo berean, eta sindikatuak ohartarazi du erizain askok atzerrira jotzen duela.