Ertzaintzak Iñaki Bengoa gaztea atxilotu du gaur goizean Busturian, 2002an Bilbon ustez autobus bat erre zuelako. Hamaikak aldera atzeman du, baina Eusko Jaurlaritzako Herrizaingo Sailak oraindik ez du jakinarazi non atxilotu duten, ezta atxilotua zein den ere.
Hitza-k eman du informazioa: nor den ez ezik, Busturian atzeman dutela eta gaztea Bilbokoa dela, Indautxu auzokoa. Hiru urte daramatza Bizkaiko herri hartan bizitzen. Bengoak Busturian duen etxea miatu dute ertzainak 15:30ak arte; bukaeran, etxe inguruan bilduta zeuden lagunei oldartu egin zaie Ertzaintza.
Pablo Ruz Espainiako Auzitegi Nazionaleko epaileak eman du atxiloketa agindua. Ertzaintzaren ikerketa batez baliatu da Ruz, Efe berri agentziak dioenez.
Ertzaintzak dio gazte hark beste lagun batzuekin hartu zuela parte erasoan, eta ADN zantzuak dituela hori baieztatzeko.
19:30ean mobilizazioa egingo dute Indautxun, atxiloketa salatzeko.
atxiloketa
Ertzaintzak bilbotar bat atxilotu du Busturian, 2002ko kale eraso batekin lotuta
Bilbon autobus bat erre izana leporatzen diote Iñaki Bengoari. Haren etxea miatu dute.
Iruzkinak
Ez dago iruzkinik
Ordenatu
