Espainiako Aireko Armadako F-18 hegazkina Bardeetako (Nafarroa) tiro eremuaren gainean maniobra batzuk egiten zebilenean istripua izan eta lur jo zuen; zehazki, Caparroso herrira erori zen. Ezbeharra atzo gauean gertatu zen, 22:30ean.
Ez zen hildakorik izan, istripua gertatu aurretik hegazkin pilotuak parapentean salto egitea lortu baitzuen. Oraindik ez dakite zerk eragin zuen ezbeharra.
Tiro eremuaren aurkako taldeak agiri bidez jakinarazi duenez, "gaueko hegaldiak gero eta ohikoagoak" dira. Era berean, herritarrentzat "arrikutsua" dela eta, "tiro eremuaren deuseztapena eta Jose Antonio Gaiarre Bardeako Batzarreko presidentearen kargugabetzea" eskatu du.
Hain justu, Gaiarrek gertatutakoari buruz hitz egin du eta istripuak "pilotuen trebetasuna, Aireko Armadako entrenamendu handia eta maniobrak egiten dituzten eremuko segurtasuna" erakusten duela adierazi du. Herritarrei lasaitasun mezua ere helarazi die.
Bestalde, NaBaik istripuaren inguruko erantzukizunak eskatu dizkio Nafarroako Gobernuari.
Asteburuan mobilizazioak egingo dituzte tiro eremuaren itxiera eskatzeko.
Euskal Herria
Espainiako Armadako hegazkin batek lur jo du Bardeetan
Istripua bart gauean gertatu zen. Ez zen hildakorik izan, ezbeharra gertatu aurretik hegazkin pilotuak parapentean salto egitea lortu baitzuen. Asteburuan mobilizazioak egingo dituzte tiro eremuaren itxiera eskatzeko.
Iruzkinak
Ez dago iruzkinik
Ordenatu
