ETB. Ikusteko aukera zabaldu, eta eteteko agindua Madrildik

Urrian hasi zen ETB Iruñerrian Erreniegako eta Ezkabako hedagailuen bidez emititzen, baina apirilean gutuna jaso zuen Espainiako Gobernutik, eteteko aginduz. Salaketa, hala ere, lehenagoko kasu bati dagokio: Arabako antenak Nafarroara begira jarri zituen ETBk, Iruñerrian seinalea hartzeko. UPN zen gobernuan, eta salaketa jarri zuen Madrilen. Ministerioaren agindua bete zuen ETBk, eta seinalea eten. ETB «legez» hartzeko modua aztertzen ari dira.