Etxegabetzeak salatu dituzte Alokabide parean

BILBO. Kaleratzerik Ez plataformak deituta, elkarretaratzea egin zuten atzo goizean Alokabidek Bilboko Uribitarte kalean dituen bulegoen parean. Kanpalekua atondu zuten, kanpadenda eta lotarako zakuekin. Bizkaian azken urteetan izan diren etxegabetzeak salatzea izan zen ekintzaren asmoa. Irungo (Gipuzkoa) udaletxe aurrean kanpatuta dagoen andreari ere babesa agertu diote; 12 urteko alaba du, kimioterapia hartzen ari da, eta etxegabetze agindua jaso du.