Unai Bilbao Granadako espetxean dago, Portugalete (Bizkaia) sorterritik 860 kilometrora. Senideek Etxerat Elkarteari adierazi diotenez, eskuburdinak "estuki" jarrita izan zuten Bilbao bisita osoan zehar, eta hori "neurri umiliagarri eta ankerra" dela salatu dute. Poliziek "jarrera oldarkorra" izan zutela ere adierazi du Etxerat-ek, "hitzez zein fisikoki; etxeko portaleko eskailerak jaisten ari zela bultzatu egin zuten presoa".
Sendiak salatu egingo du gertatutakoa eta Bilbaok gauza bera egingo du kartzela erakundeen aurrean.
Elkarteak gogorarazi duenez, Granadako kartzelak bi hilabetez atzeratu zuen Bilbaok bere adineko ama ikusteko eskatu zuen ez-ohiko baimena: Andreak ezinezkoa zuen semea ikusteko beharrezkoak diren 1.700 kilometro baino gehiagoko distantzia bidaiatzea". Joan den abenduan zendu zen Bilbaoren ama, presoa ikusteko aukerarik gabe.
