Lau gune eta 6,5 kilometroko ibilbidea izango du aurtengo Ibilaldiak. Ekainaren 1ean egingo dute Bizkaiko ikastolen aldeko jaia, Gernika-Lumon. Baina gune batek, Urdabai izenekoak, herriko mugak gaindituko ditu, Foruan egongo baita. Bestalde, omenaldi berezi bat egingo dute Zimela jatetxean: euskalkien alorrean lan egiten duten elkarteak eta erakundeak omenduko dituzte. Berrikuntzak ere izango dira aurtengo Ibilaldian. Aurreneko aldiz, ikastolen arteko Erronka antolatu dute. Bizkaiko ikastoletako ikasleak lehian izango dira hainbat probatan. Antolatzaileen helburua da jaiaren hasierako sustraiak berreskuratzea, «ikastolen presentzia indartuz eta gazteen parte hartzeari garrantzia emanez». Hori dela eta, Gernika-Lumoko Seber Altube ikastolak herrialdeko ikastola guztiei gonbita egin die jaia parte hartzaile bihur dezaten.
Ibilaldia elkarteak, bestalde, herritarrei gomendatu die ekainaren 1ean garraio publikoa erabiltzeko. Gogorarazi du Bizkaibusek eta Euskotrenek zerbitzu bereziak jarriko dituztela egun horretan.
Euskalkien alorrean ari diren eragileak omenduko ditu Ibilaldiak, Gernika-Lumon
Iruzkinak
Ez dago iruzkinik
Ordenatu
