Euskara ikasteko beste lau liburu aurkeztu dituzte

BILBO. Atoan! argitaletxe berriak euskara ikasteko lau liburu aurkeztu ditu. Materiala mailatan antolatuta dago, hasiberriei A1 liburua dagokie eta maila altuena dutenei, berriz, B2. Hala ere, testu guztiak euskara errazean idatzita daude, marrazkiekin tartekatuta. Liburuek gai ugari lantzen dituzte: gizartea, historia, osasuna, bidaiak eta literatura, besteak beste.