Amets Arzallus 'irakasle' lanetan izan da gaur AEK-k matrikulazio kanpainaren berri emateko agerraldian. Euskaltegietako ikasleen "energia" izan du gogoan, eta gaineratu ikasle askok euskaldun askori hizkuntzaren erabileran lezioak ematen dizkietela.
AEK-ko ordezkariek nabarmendu dute euskara ikasteko eskaintza zabala dutela; ehun euskaltegitik gorako sareaz gain, barnetegiak eta on line ikastaroak aipatu dituzte. Apustua euskaltegiak "betetzea" dela gaineratu dute.
Urritik ekainerakoa izango da ikasturtea, eta baikor azaldu dira AEK-ko ordezkariak. Izan ere, aurreko ikasturteko 1.500 ikaslek baieztatu diete euskaltegian jarraituko dutela datorren ikasturtean ere. Euskara praktikoa darabilte lelo gisa.
