Mario Onaindiaren heriotza
Fernando Savater eta Teo Uriarte izango dira hizlari Onaindiaren omenaldian
Mario Onaindia PSE-EEko buruzagi zena gaur goizean ehortzi dute Gasteizko El Salvdor hilerrian, eta arratsean, 20:00etan, omenaldia egingo diote Plaza Berrian. Besteak beste, Fernando Savater filosofoa eta Basta Ya-ko kidea, eta Teo Uriarte PSE-EEko kidea eta arlo politiko zein pertsonalean Onaindiaren bidelaguna izango dira ekitaldian hizlari. Ehorzketa ekitaldian, senitartekoak eta hurbileko lagun minak izan dira, haien artean, PSE-EEko zenbait buru.
Goizeko zortzietatik 10:45era arte Gasteizko Lauzirika tanatorioan zabalik egon den hil kaperara, berriz, buruzagi politiko asko hurbildu dira. Han izan dira, besteak beste, Javier Madrazo Jaurlaritzako Etxebizitza sailburu eta EB-IUko koordinatzaile nagusia, Alfonso Alonso Gasteizko alkatea, Javier Rojo Arabako PSE-EEko idazkari nagusia, Nicolas Redondo eta Ramon JauregiPSE-EEko idazkari nagusi ohiak, eta Josu Onaindi CCOOko EAEko idazkari nagusia.
Iruzkinak
Ez dago iruzkinik
Ordenatu
